Isinqumo ngesicelo sebheyili kwelokufa kwaDJ Sumbody
Liyah Mseleku
Inkantolo kaMantshi e-Alexandra namhlanje kulindeleke ukuthi ukhiphe isinqumo mayelana nesicelo sebheyili sikaKatiso Molefe.
UMolefe (61) usolwa ngokuba ungqondongqondo ekubulaweni kwaDJ Sumbody ngo-2022.
Phambilini umbuso wasichitha isicelo sebheyili kanti lo msolwa umelwe uqweqwe lommleli u-Adv Michael Hellens SC.
Kukholakala ukuthi uMolefe uyena ophambili ekufeni kwaDJ Sumbody, nonogada bakhe uSibusiso Mokoena noSandile Myeza.
Badutshulwa eWoodmead ngoNovember 2022 ngentululwane yezinhlamvu.
UMolefe ume yedwa ebhokisini enkantolo, njengoba abanjwa nabo bathi ngeke baze basifake isicelo sebheyili, okungu Michael Pule Tau, Tiego Floyd Mabusela no Musa Kekana.
Leli qembu labathathu liyathinteka futhi ekubulaweni kuka Hector “DJ Vintos” Buthelezi.
Yena wadutshulwa wabulawa ngoMarch 2022 ngaphandle kwenightclub e-Orlando East, eSoweto.
UButhelezi wadutshulwa izinkabi ezazihamba ngemoto yohlobo lweBMW X5.
Ngomhlaka-29 July kwavela ukuthi uMolefe kanye nalabasolwa abathathu bathweswa necala lokubulala uTindleni.
Ngokusho kwamaphoyisa, wonke lamacala okubulala, kubalwa kuwo Armand Swart, Don Tindleni, babulawa ngendlela eyodwa kusetshenziswa uhlobo olulodwa lwesibhamu se-AK-47 rifle.
Ithimba labammeli baMolefe, lifunde isitatimende sakhe, esithi phambilini wake wayithola ibheyili yaR100 000 kwinkantolo enkulu yasePitoli wahlala emzini wakhe oseSandton.
Isitatimende siqhubeke sathi “Amaphoyisa azama ukuvula isango lakwami ngenkani, ngasheshe ngavula kungakenzeki umonakalo omkhulu.”
UMolefe uphinde wavuma ukuthi wake waboshwa phambilini e-UK ngokushushumbisa insangu.
Utshele inkantolo ukuthi udayise imoto yakhe iMercedes-Benz V-Class ukukhokhela izindleko zabammeli.
Umbuso uyayihlaba eyebheyili ngenxa yokuthi uMolefe angabalekela kwamanye amazwe.
“Umsolwa isigebengu esiyingozi kakhulu futhi esingenazwelo ngempilo yomuntu. Bonke ubufakazi bukhona. Usehambe amazwe izikhathi eziwu-115, akukho okungamvimba namanje,” kubika umbuso.
NB: Marketing & Advertising WhatsApp/Call-073 062 1169
