Ingonyuluka kwinkabi eyabulala ikhansela le-ANC
Icele uxolo inkabi ezivumele ngowayo icala lokubulala lowo owayengunobhala we-African National Congress Youth League (ANCYL) uSindiso Magaqa.
UMagaqa ubulewe eminyakeni eyisishagalombili edlule eyikhansela le-ANC kwisifunda iHarry Gwala.
USbusiso Ncengwa uhlanze ayekudle ngayizolo enkantolo enkulu yaseMgungundlovu ngoMsombuluko.
UNcengwa utshele inkantolo mayelana nokuba mdibi munye nalabo ababopha itulo lokubulala uMagaqa.
Leli khansela labulawela ukulungiselela ukuveza inkohlakalo yokudliwa kwezimali kuMaspala.
Encwadini efungelwe ebhalwe uNcengwa ngomhla ka-6 June ikuveza ngokusobala ukuthi babethunywe ngezinye izikhulu kwipolitiki bathenjiswa netshe lemali.
UMluleki Ndobe owayeyiMeya noZwelinzima Skosana owayeyimenenja kuMasipala bachazwe uNcengwa njengabantu abakhipha umyalelo wokubulala uMagaqa.
Abasolwa baboshwa kodwa babuye badedelwa, nokho uNdobe waphetha ngokuzibulala.
UNcengwa ulandise nokuhlangana kwakhe noSbonelo Myeza ababoshwe naye.
UMyeza wayesebenza njengephoyisa ophikweni iTactical Response Team eMzimkhulu.
Uchazwe njengomuntu owafonela uNcengwa emazisa “ngomsebenzi”.
Ngosuku olulandelayo bahlangana nabanye kubhungwa ukuthi uzobulawa kanjani uMagaqa.
“Basitshela ukuthi uMagaqa usendleleni yokuceba bonke abakhwabanisayo kuMaspala. Sathenjiswa uR120 000 uma sesimbulele nethenda ka-1 million” kusho uNcengwa kwincwadi efungelwe.
UNcengwa uthi emuva kokuthola ukuthi ahoxiswa amacala ayebekwe uNdobe noSkosana ubone kuncono aphumele obala axolise.
“Ngiyaxolisa ngengakwenza ngizokhuluma iqiniso,” usho kanje.
UNcalane noMpofana ngabanye abasolwa abavelayo kuleli cala.
Icala lihlehlele umhla ka-30 Juni ukuze agwetshwe uNcengwa.
NB: Marketing & Advertising WhatsApp/Call-073 062 1169
