Usizi umlingisi onamava eququdwa inhlupheko
Bahle Mkhize
Uququdwa usizi nenhluphelo umlingisi onamava wakuleli uGlen Gabela ozakhele ugazi elingisa indawo kaPastor Mdletshe kuZalo.
Lokhu kuvele kwivideo ezeva indawo ayigumbi elilodwa afihle kulo ikhanda.
Konke ukwenzela kuleli gumbi elibonakala ezithombeni ukuthi liyaxathuka ukungcola yonke into inhlakanhlaka.
IFridge lakhona kuthe uma livulwa kwabonakala linesikhutha futhi kugcwele izigubhu zamanzi okudliwayo dololo.
UGabela oselingise uhide lwemidlalo kuthelevishini okuhlanganisa noZalo kuSABC1 ubechiphiza izinyembezi echaza isimo aphila ngaphansi kwaso.
“Ngidinga impilo engcono nje angifuni umcebo. Inkinga enginayo angikwazi ukucela kubantu”
“Iningi lethu balingisi kule minyaka engikuyo baphenduka izicelampuphu. Ngiyafisa ukuhlangana nabantu ukuze ngikhulise umkhakha wezamafilimu ukuze labo abasakhulayo bangagcini befana nathi,” usho kanje.
Uthi akafuni ukubabona bephila le mpilo ayiphilayo yena.
UGabela uphinde waveza kwabezindaba ukuthi useke walala amasonto amathathu esibhedlela ngenxa yesifo senhliziyo.
“Odokotela bangitshela ukuthi yingenxa yokhwantalala okuyinto engiyaziyo vele, usho kanje.
Uveze nokuthi selokhu axoshwa kuZalo ngi-2018 ubengakaze awuthole umsebenzi nokuyinto emkhathazayo njengoba esehluleka ngisho ukuzinakekela.
Kwivideo kuvela nomunye umuntu wesifazane omncengela kubantu baseMzansi ukuthi baphonse esivivaneni.
Kubonakale nokudla abafike bemphathele khona ukuze akwazi ukuyisa ibhodwe eziko.
NB: Marketing & Advertising WhatsApp/Call-073 062 1169
