Umsindo AmaZulu edla umzila kwiSkeem Saam
Sindiswa Nxumalo
“Umdlalo othandwa abaningi iSkeem Saam luzogcina selufana noMuvhango uma abahleli bayo bengaqaphile ngoba sekugcwele aMaZulu.”
Lokhu kuvela embhalweni ka-Anzo kuFacebook ezwakalisa ukukhathazeka ngeSkeem Saam.
Uze wenza umzekelo wokuthi: “Awucabange nje kuZalo sekugcwele abantu abakhuluma isiPedi ukuthi kungaba njani”.
Uqhubeke wathi ngokucabanga kwakhe inhloso yalo mdlalo ukuqhakambisa ulimi lwama Pedi kodwa manje seluyanhlanhlatha.
Uphinde waveza ukuthi lo mdlalo sewulahla isizinda salo namasiko amaPedi uma lwenza ngale ndlela.
Le nkulumo ihambisana kakhulu nale eyake yakhulunywa uSeputla Sebogodi odume ngelika Kenneth Mashaba ethi:
“Uma ungesiye umZulu endimeni yeqedisizungu, lindela ukuthi uzolamba”
Wesekela inkulumo yakhe ngokuthi uma ungesiye umZulu noma ungakwazi ukukhuluma isiZulu ugcina sewuncintsheka amathuba kule ndima.
Ngokombono wabalandeli bathi lolu hlelo luthatha ngamawala ngoba lubona ngathi amaZulu ahlale esematheni ukuze bathole abalandeli.
Omunye wabalandeli uthe, “iNingizimu Afrika igcwele amaZulu kakhulu, ngakhoke kumele kulindeleke lokhu okwenzeka kuloku hlelo”
Kanti omunye uthe iNingizimu Afrika igcwele imisele, leyo misele iyohlezi ivalwa amaZulu.
Abalingisi abaningi balolu hlelo bazama ndlela zonke ukuthi bakhulume isiZulu yize abanye babo bengewona amaZulu.
ISkeem Saam sidlala ngoMsombuluko kuya kuLwesihlanu njalo ngo 7:30 ebusuku.
Phakathi kwabalingisi abakhuluma isiZulu nabahlalise lubhojozi amaPedi kubalwa uNava Ditsaitseng “Mantuli” Mnisi, Thabo “Leshole” Mkhabela, Lerato “Pretty” Marabe
noSamukele “Khwezi” Mkhize.
NB: Advertisement Call/WhatsApp 073 062 1169
