Umengameli weSafa kwelinye icala elinzima

Sphumelele Mjaja

UMengameli weSouth African Football Association (Safa) uMnuz Danny Jordaan usengene kolunye ubishi.

Kulokhu usolwa ngokubambana ngezihluthu nesikhulu esiphezulu uSimphiwe Mkhangelwa eBloemfontein.

Womabili la madoda agcina evula amacala okushayana. Kwenzeka lesi sigameko nje vele uJordaan ubhekene namacala okukhwabanisa enkantolo.

Akubuzwa ukuthi leli cala elisha lingase linciphise amathuba wakhe okuphinde abe umongameli we-Safa.

UMkhangelwa, ohola isifunda seSafa eNelson Mandela Bay, usola uJordaan ngokumshaya.

Uthi uJordaan wamcindezela ngaphandle komhlangano wekomidi eliphethe le-Safa (NEC) eBloemfontein.

Le mpi okuthiwa yenzeke ngaphambi komdlalo weBafana Bafana wokuqokwa kweNdebe yoMhlaba neNigeria nokuyilapho okuholele uMkhangelwa agcine evule icala lokuhlaselwa.

“Zombili izinhlangothi zivule amacala okuhlasela, kanti amaphoyisa ayaphenya”, kusho okhulumela i-SAPS u-Brigadier Motantsi Makhele.

Kube nofakazi abathi uJordaan wayengumhlaseli, bethi wasunduza uMkhangelwa kanzima waze wacishe wawa.

Leli cala lizomnciphisela amathuba lokungenela ukhetho lwesine njengomongameli we-SAFA.

Ngaphambi nje komhlangano we-NEC, uMkhangelwa wamiswa okwesikhashana yiNelson Mandela Bay iphini likamongameli uClive Kilian.

UMkhangelwa uthi ukumiswa kwakhe emsebenzini kwakungekho emthethweni futhi kwakusekelwe kwezombusazwe. Ephendula, wamisa uKilian nomunye umsizi kamongameli esikhundleni.

NB: Marketing & Advertising WhatsApp/Call-073 062 1169