ULebo M kolunye utalatiya nobezomshada
Sphumelele Mjaji
Umnqobi wendondo i-Grammy nomqambi we-Lion King uLebo M umise isethembiso somshado nesinqandamathe sakhe uMalefu “Mel” Ntsala.
Lezi zindaba zivele ngemuva kokuvuselela uthando lwabo ngoJuni kulo nyaka.
Bobabili babebonakala betetemuka uMorake waze wabelane ngezithombe zabo bamemezela isethembiso somshado besesikebheni eDubai.
“Usuku esiyeka ngalo ukukholelwa othandweni nasemathubeni yilapho siyeka khona ukuphupha”
“Ngibonga kakhulu ukuthola iphupho lami ligcwaliseka futhi ngiqale la isahluko esisha” wabhala kanje wanameka ku-Instagram nosekususiwe manje.
Lesi akusona isethembiso somshado sokuqala, ekuqaleni babethembisene umshado ngo-2019 kodwa kamuva bakuqeda.
Ekhuluma neSunday World ngemuva kokuhlukana kwabo ngaleso sikhathi, uNtsala wathi:
“Sobabili sasikhathele omunye komunye. Uyazi ukuthi ubuhlobo buyini. Sanquma ukuthi, niyazi yini, lokhu akulungile kithi. Lokhu akukhona okwethu.”
Kamuva washada noPretty Samuels ngoFebhuwari 2022 ngaphambi kokuhlukanisa ngonyaka odlule.
Waphinde wathembisa umshado nomlingisi uZoe Mthiyane.
Umshado wakhe wakamuva noNtsala wafika ezinyangeni ezimbalwa nje ngemuva kokuba umshado wakhe noSamuels ushabalele.
Esitatimendeni sika-Agasti 2023, uLebo uthe ngesikhathi esohambweni lwakhe lwase Europe ngo-Ephreli kuya kuJuni 2022, wanikeza uSamuels igunya lokusebenzisa signature yakhe ye-electronic.
Lapho ebuya, wamcela ukuba alisuse futhi asayine isitatimende esifungelwe esiqinisekisa ukususwa kwalo.
Ngokusho kwakhe, wenqaba okuyilokho kwaholela engxabanweni eyaqeda umshado wabo.
NB: Marketing & Advertising WhatsApp/Call-073 062 1169
