Kutholakele isidumbu soyedwa kwabathathu emfuleni
Bahle Mkhize
Sekutholakele isidumbu soyedwa kwabathathu abamuke nezikhukhula zomfula Injesuthi, eMshwati, eMgungundlovu.
Iningi labantu abakhahlamezekile abokufika kuleli.
Amathimba okubalwa iHuman Settlements and Department of Transport neMeya ku-Umshwathi Local Municipaluty uCllr Mandla Zondi bakhona ukusiza abagilwa.
Yize kunjalo kuvela ukuthi abantu banikwe ihholo lokukhosela izolo kodwa bakhethe ukunyamalala bayochitha ubusuku nezihlobo zabo.
Kuthiwa bacela ekhulwini abantu abakhahlamezekile abavela eLosotho abese behlala kule ndawo.
Okubi ukuthi lemizi ekhukhulwe izimvula yakhiwe endaweni okungafanele kuyo.
Ikhansela kuWard 2 uCllr Sikhumbuzo Nxumalo nabethimba lezenhlekelele bavuke namhlanje bahlanganisa isibalo sabantu abakhahlamezekile.
UZondi uthe ushayelwe ucingo ngehora lesithupha ebikelwa ukuthi sekube nemizi yabantu ekhahlanyezwe yizulu.
“Lingakagamanxi ihora lesithathu ngithole umbiko othi imvula isiyonile, umfula Injasuthi umane wanqamula la ungahambi khona”
“Awuhambanga lapho ujwayele ukuhamba khona kwathinteka nemizi eseduze. Okubuhlungu kulokho kuthiwa kunabantu abathathu okubikwe ukuthi balahlekile,” kusho uZondi phambilini.
