Kuboshwe nodokotela obeshayela edakiwe eKZN

Sihle Mkhize

Bayichithe ejele impelasonto ababanjwe beshayela bedakiwe emgaqweni yasePortshepstone okuhlanganisa udokotela, abahlengikazi abathathu nekhansela.

UDokoteka usebenza esibhedlela sendawo iPort Shepstone Regional hospital.

Kumanje ubhekene necala lokubalekela ukuboshwa.

Inhlawulo kuphela engamkhipha kulolu bishi noma agwetshwe iminyaka eyisithupha uma etholakala enecala.

Amaphoyisa aphinde abamba omunye uzakwabo osebenzela iPort Shepstone Police station obedakwe engazazi negama lakhe naye.

Naye ubekwe icala lokuzama ukubaleka ukuboshwa.

Kulokhu kuboshwa kwezephulamthetho uMnyango wezokuThutha nokuHlaliswa kwabantu uzwakalise ukukhathazeka ngabasebenzi bezempilo okuyibo abaqonda kancono ngezingozi ezidalwa utshwala emgaqweni.

Ngokwezibalo zakamuva kuvela ukuthi izingozi kuleli zidla imali engango R165 billion.

Ngokwesabelo zimali ku2022/23 iRoad Accident Fund (RAF) ikhokhe uR22 billion kubantu.

UNgqongqoshe wezokuThutha nokuHlaliswa kwabantu uSiboniso Duma uthulele isigqoko amaphoyisa asebenze ngokuzibophezela.

Uphume iqhulu namaphoyisa omgwaqo kuMasipala iRay Nkonyeni ebambisene neSouth African Police Service (SAPS).

“NgeSonto zigcine zime ku-110 isibalo sabantu ababoshiwe emgaqweni wakuleli dolobha eliseningizimu nesifundazwe saKwaZulu-Natal.

Ngokubambisana sikwaze ukuvikela izimpilo zabantu ezingacala,” kusho uDuma kwisitatimende.