Kwenzeka lokhu nje emasontweni ambalwa edlule iSilo uMisizulu kaZwelithini sehlisa Zondi obenesikhundla esimqoka eNdlunkulu.
UZondi ubeqhoqhobele isikhundla sokuba iRoyal Chancellor engumxumanisi wendlunkulu amakhosi ezwekazi lase-Africa nokunye.
Incwadi eyayivela ehhovisi likaNdunanlulu kwaZulu yakuveza ngokusobala ukuthi lesi sinqumo sithathwe emuva kokuhlala phansi kwacuntshungulwa konke.
UZondi ongumacaphuna kusale wazakhela ugazi kwiSilo eyokhothama ngekhulu lezinkomo nangaphezulu.
Kanti akaconsi phansi kosaziwayo abaningi njengoba ebathengela izimoto zikanokusho sengathi izinkwa.
Phakathi kwabo uPhakel’mthakathi nosihlalo mawadriving schools eKZN uMzwandile Zondi nabanye.
“Siyabonga kuMnuz Zondi ngakwenzile asasenathi,” kusho isitatimende.
Akusiye yedwa njengoba noMnuz Nododile Ndamase akhale ngaphansi kwebhasi. Yena ubeyiChief Director ehhovisi leSilo.
Nakuye kuthiwa amathuluzi okusebenza akawabeke phansi.
UZondi usanda kuba sematheni kulezi zinsuku ngezinsolo ezibucayi.
Useqokwa kulesi sikhundla esisha nje iNews24 isanda kuveza ukuthi uphazamisa inkampani yokwakha iStefanutti Stocks eyifuna imali yokuvikela ngo”dli”.
Nokho wakuphika lokho.
Kuthiwa wayekwenza lokhu nje kuvele kunenkampani egadayo.
Marketing and advertising Call or WhatsApp 073 062 1169
