Kukhalwa ‘ngondlovukayiphikiswa’ uDr Irvin Khoza kwiPSL
UMengameli weqembu elidlala kuMotsepe Foundation Championship, uDavid Thidiela, usekhwele wadilika kusihlalo wePSL uDr Irvin Khona.
UThidiela ubeyilunga lePSL’s Board of Governors wasuswa ngonyaka odlule benisohlalo weCape Town City uJohn Comitis kanye noweStellenbosch FC uRob Banedie.
Laba bobathathu izikhundla zabo zivalwe nguTim Sukazi weTS Galaxy, uSifiso Biyela weRichards Bay FC kanye noJonny Mogaladi wePolokwane City.
UDr Khoza usebe nguSihlalo wePSL kusukela ngonyaka ka-2003 kanti waphinde wakhethwa ngo elethu ngonyaka ka-2020 kanti uMato Madlala yena usebe yisekela kusukela ngo-2015.
UThidiela obekhuluma ohlelweni lwezemidlalo esiteshini somsakao iSABC ukhala ngokuthi uDr Khoza uphethe iPSL ngesandla sensimbi futhi uthatha izinqumo ngaphandle kokuxhumana nabo.
Lokhu kuqhamuka emva kokuthi iBlack Leopards kade ivalwe yiFIFA ukusayina abadlali kusaqala i-season kanti lesi sikhulu seLidoda Duvha sikholwa ukuthi abubanga bikho ubulungiswa lapho.
“Angilwi, ukuba abekho oDrKhoza noMato Madlala ngabe iBlack Leopards iyiqembu elikhulu namuhla. Mina ke ngiyindoda engancethezi engeke ilokhu ithi Boss angisho ukuthi yes Boss futhi angincenge muntu”
“Angifune sizo kunoma ubani. Yonke into enginayo ngiyisebenzele. Le league iphethwe uKhoza yedwa. Ungindlovukayphikiswa. Angijabulile ngaye. Ngike ngasebenza nosihlalo abaningi kuPSL akaze ngimbone uSihlalo onamandla kanje kulelizwe”
“Unamandla udlula ngisho uMengameli wezwe uCyril Ramaphosa. Lendoda ingundlovukayiphikiswa. Kuba kuwena ukuthi uvuma yonke into eyishoyo noma ikukhomba indlela” kuchaza uThidiela
