Uqokelwe kwesiphezulu ebukhosini uMntwana  u-Africa Zulu

Sihle Mkhize

Uqokelwe esigungwini esiphezulu uMntwana Africa Zulu, ebuholini beSilo uMisuzulu kaZwelithini.

Ubuya nje bese kuneminyaka ecela kwemibili akhonjwa eza ngayo kwazise wayekhulumela indlunkulu.

Njengamanje uqokelwe ukuba usekela weso leSilo, okuyishundla esithathwa njengisimqoka.

U-Africa ongowasendlini yaso-Onkweni umenyezelwe ngoLwesibili uNdunankulu kaZulu uMfundisi Thulasizwe Buthelezi.

Njengamanje u-Africa uzosebenza ngaphansi kwenkosi uMalusi Zondi, owaqokwa ngoNovember nyakenye.

U-Africa uthathwa njengesithenjwa esizoqinisa ithimba lobuholi bakwaZulu.

UButhelezi uthe ukuqokwa kwa-Africa kuyingxenye yokuqinisa ubuholi beSilo.

“Lokhu okwenzekayo ngezinye zezindlela zokuqinisa isigungu, sihambisane nesikhathi sesimanje nokuthi kukhuliswe ubuholi bakwaZulu,” kusho uButhelezi.

“UPrince ujoyina leli thimba nerekhodi elihle nolwazi olujulile, futhi uzobamba iqhaza elikhulu ebukhosini,” kuqhuba uButhelezi.

Lesi sigungu kukhona kuso uNdunankulu uButhelezi, Deputy Traditional Prime Minister Inkosi Phathisizwe Chiliza, Royal Chancellor Iso leSilo Malusi Zondi, Deputy Royal Chancellor Prince Africa Zulu, okhulumela iSilo uMnywna Thulani Zulu noMntwana Nathi Zulu naye owubuso beSilo kwiProvincial House of Traditional Leaders.

U-Africa uthe uzizwa ethobekile ngokuqokwa kwakhe.

“Ngithanda ukubonga kakhulu kwiSilo ukungethemba kwaso ukungiqokela esikhundleni sokuba uDeputy Royal Chancellor.

“Ngiyakwemukela ngezandla ezimhlophe futhi ngizokwenza konke okusandleni ukubuyisa ubumbano nesithunzi sesizwe sakwaZulu,” usho kanje.