UDJ ezinsolweni zokuphusha ukushushumbiswa kwabesifazane
Kuphenywa uDJ wakuleli uDJ Cyan Boujee ngezinsolo zokugqugquzela amathuba ’emisebenzi’ yaseRussia ethimulisayo.
Lo DJ owazalwa enguHonour Zuma kuthiwa uphenywa iSouth African Department of International Relations and Cooperation.
Umsindo ususwe ukuthi i-“Alabuga Start” ephushwa uDJ Cyan imataniswa nokushushumbiswa kwabesifazane ikakhululazi abase-Africa abasebancane.
UCyan uyaziwa ngezindimbane zabantu abamlandelayo ezinkundleni zokuxhumana.
Kuthe kungaba nomsindo wabona uCyan ukuthi ayingangaye wasisusa ngokushesha isikhangiso ezinkundleni zokuxhumana.
Kulesi sikhangiso bekuthenjiswa indiza yamahhala, indawo zokuhlala nemisebenzi eholela itshe lemali eRussia.
Abantu bangene ezinkundleni zokuxhumana bashiya abangalazi kule ntokazi besola lo DJ ukuthi ugqugquzela ukuxhashazwa kwabantu besifazane.
Kumanje iziphathimandla ziphenya ubuqotho balo msebenzi.
Lesi sigameko esibhunyele upetrol emlilweni njengoba sekuvele nomlando ohlanganisa ukuvelwa kwivideo zocansi, izinsolo zokushaya nokunye.
NB: Marketing & Advertising WhatsApp/Call-073 062 1169
