Kuphume isidumbu kwalimala namaphoyisa KwaMaphumulo

Liyah Mseleku

Ibhekane ngeziqu zamehlo kwasala umsolwa enkundleni amaphoyisa amabili alimala KwaZulu-Natal, KwaMaphumulo, ngoMsombuluko ntathakusa.

Amaphoyisa abelokhu elandele umkhondo womsolwa obefunelwa amacala okuqhumisa izimoto zemali.

Kulesi sigameko bekungathi kudlala ifilimu ubona ngomlilo emoyeni kuphamba izinhlamvu, kudubuleke iphoyisa elinye lalimala emhlane zibambene.

Abezimo eziphuthumayo bafike ngokushesha ukuzama ukuhlenga izimpilo zamaphoyisa.

Kudutshulwana nje, ithimba lamaphoyisa belithole ulwazi lokuthi kunamadoda amabili acashe kule ndawo.

Kutholakale izibhamu, izimoto ezebiwe neziqhumane ezikhombisa ukuthi bekuhlelwa ukuthi kuyoqhutshekwa nobugebengu.

Kumanje omunye umsolwa ophume wagelekeqeka uzingelwa njengenyamazane.

Khonamanjalo kudutshulwe kwabulawa abasolwa ababili abanindeka emacaleni okuduna izimoto.

Lesi sigameko senzeke ngeSonto e-Eastern Cape, eQonce.

Amathimba eTactical Response Team azinze e-OR Tambo, Chris Hani nabeReece balandele umkhondo mayelana neToyota Quantum ephangwe eQonce ngalo iSonto.

Ibe isibonakala le quantum eDarhabe ilibhekise e-Elliotdale.

Ngesikhathi amaphoyisa ezama ukumisa umshayeli umane wanyathela kakhulu amafutha ebaleka.

Nokho amaphoyisa akwazile ukumvimbezela.

Ngesikhathi sebebaleka baphendle indlela ngenhlamvu kanti kuzoshiyana ukwenza basala enkundleni abasolwa.

Amaphoyisa akwaze ukuthola izibhamu ezimbili zohlobo lwe 9mm pistols sezicishiwe izinombolo.