Kubanjwe inqwaba yamapassport nemali kowokufika
Bahle Mkhize
Uvela namhlanje enkantolo owesilisa (43) odabuka eZimbabwe obhadanywe nenqwaba yama passport nemali.
Umsolwa kulindeleke ukuthi avele eWaterval Boven Periodical Court.
Lo msolwa uvinjezelwe ithimba ebelihlanganisa iMiddelburg Flying Squad, Nkangala District Anti-Hijacking Team neWaterval Boven SAPS.
Abakwasidlodlo bebethole umoya ngemoto emhlophe yohlobo lweChevrolet Utility enecanopy.
Imoto le ibinezinombolo zaseGauteng.
Phakathi kwezinto ezitholwe kule moto kubalwa amapassport ang-582 amanye wawo anemali phakathi.
Kutholwe nesinye isamba semali engang R20 000, igoqwe ngoshekhasi omnyama.
Uphenyo luzeza ukuthi umshayeli ubezohlangana nothile ngoauku olulandelayo kuze kuyogxivizwa la mapassport.
Le mali ithathwa njengeyenkokhelo.
Amacala azobhekana nalo msolwa ukuba kuleli ngokungemthetho, ukukhwabanisa, ukushintshisana ngemali.
Imoto ebishayelwa yilo msolwa ivalelwe nayo ukuze kuqhutshelwe nophenyo.
UMajor General (Dr) Zeph Mkhwanazi, oyibamba njengeProvincial Commissioner emaphoyiseni eMpumalanga, usencome ithimba ngomsebenzi oncomekayo.
“Siyalulandela lolu daba sifuna ukuliphenya ibheshu. Ngeke sushi ukuthi abekho abanye abazoboshwa njengamanje. Sizoqinisekisa ukuthi bonke labo abathintekayo bayajeza,” kusho uMkhwanazi.
