Injabulo kwizinkunzi ezimbili zaseSoweto koweNedbank
SEKUWUMLANDO ukuthi izinkunzi ezimbili zaseSoweto iKaizer Chiefs ne-Orlando Pirates badlulele kowandulela owamanqamu kwiNedbank Cup ngokwehlukana ngoMgqibelo ebusuku.
Amakhosi ashaye amagoli okunqoba sekubalwa amanenjana umdlalo uphele sekububukeka ubheke esikhathini esengeziwe.
Umdlalo uphele sekunezigcawu ezimbi njengoba abadlali beStellies bebebhikishela onompempe.
Lokhu kwenzeke ngemuva kokuthi unompempe eshintshe umqondo ngesinqumo sakhe ngegoli lesibili leChiefs.
Igoli ebelingundabamlonyeni lishaywe ngomzuzu wokugcina wesikhathi esengeziwe.
Ukudlulela phambili kwiNedbank Cup kuyinto enkulu kwiChiefs njengoba ibheke ukuqeda indlala yezindebe yeminyaka ecela eshumini manje.
Ngakolunye uhlangothi iphupho le-Orlando Pirates lokunqoba i-Nedbank Cup amahlandla amathathu kulandelana lisaphila.
Lokhu kungenxa yokuthi leli qembu laseSoweto likwazile ukuphunyula kunzima kwiSuperSport United esigabeni sama-quaterfinals salo mqhudelwano.
IPirates inqobe lo mdlalo obusePeter Mokaba Stadium ngo 5-4 sekukhahlelwa amaphenathi ukuze ingene emzuliswaneni olandelayo.
Umdlali ophuma enkulisa yePirates, uMbekezeli Mbokazi uvule inkundla ngegoli lokuqala kulo mdlalo obudlalelwa kushisa kakhulu ePolokwane.
Udonse ishodi elihle engaphakathi ebhokisini leSuperSport ngesikhathi ezithola engamakiwe ngomzuzu ka-29.
Lisenethini
