Ubumayemaye eKZN amaphoyisa eqotha abasolwa
Sihle Mkhize
Sekuphiphe kwaba ubumayemaye kudutshulwa izinswelaboya ezimbili kuzosa kube uLwesine.
Laba bazimbele igodi lethuna ngokubhekana ngqo namaphoyisa eVurulam, eThekwini.
La madoda abemataniswa sokubulawa kwabantu abanye ekuqaleni kwalo nyaka.
Ukubambisana kwamaphoyisa eSAPS eThekwini Outer North CI, members from Durban North SAPS Trio Crimes Unit, Newlands East SAPS Trio Crimes Unit, Durban Metro Police Trio Crimes Unit neK9 Saint Security lilalele unyendle labasolwa ekhaya labo eMhlasini.
Okubaqhathe namaphoyisa ukudubulana neziMkhwanazi kanti sebebizwa ukufa.
Kuholakale nezibhamu ezimbili endaweni yesigameko.
Izolo iPurpose ibike ngenkabi (41) ebese ibaqedile abantu ngesibhamu yangqoklozwa amaphoyisa ngenganono ePinetown, eThekwini.
Kuthiwa ibisibulele abantu abacela eshumini, nayo ibulawa nje beyicathela omunye umsebenzi wakuMasipala waseMdoni.
Imane yavulela kuqala ngenhlamvu amaphoyisa ethi azoyibopha ntathakusa kwaba izithintele iziqandu.
Kutholakala izibhamu endaweni yesigameko.
Kwenzeka lesi sigameko nje isifundazwe saKwaZulu-Natal nezwe lonke lisanda kujabulela izindaba ezinhle zokuvuselelwa kwenkontileka kaGeneral Nhlanhla Mkhwanazi.
Kwenzeke lokhu ngoMgqibelo njengoba bese kubalwa amahora ukuthi iphele.
