Limshonele obanjwe nezibhamu eKZN
Morgan Ngwazi
Kutholakale izibhamu ezisolakala ekusetshenzisweni ukuphanga kuhlonyiwe eMhlasini, KwaZulu-Natal.
Phakathi kwezibhamu ezitholakele kukhona esinelayisensi sohlobo lwe-9mm Luger M80 esinezinhlamvu eziyishumi.
IBaredda 9mm replica, isibhamu esingabhaliwe sohlobo lwe-9mm kanye nezinhlamvu ezingu-20 zohlobo lwe-9mm.
Konke lokhu kutholwe ngonogada beReaction Unit South Africa (RUSA) kulandela ukuboshwa kwabasolwa ababili ebebehlomile.
Abavusi benyamazane iRUSA namhlanje ntambama ibilandela umkhondo ngemuva kokulimala kwanogada wabo engekho emsebenzini.
Lo nogada ulimale ezama ukuvimba ukubanjwa kwenkunzi kuhlonyiwe ngoLwesithathu, eLakeview Place, eMissionlands.
Unogada ephendula izingcongo kule nkampani uthole ucingo uzakwabo exabana nabasolwa ababili abebegebenga owesifazane.
Umsolwa oyedwa uboshwe endaweni yesigameko wagqunywa eVerulam.
Umsolwa wesibili obephethe isibhamu i-9mm ubalekele ebumnyameni wangatholakala ngokushesha.
Ngesikhathi abaseshi bexoxisana nomsolwa esitokisini, ubanikeze imininingwane kamngani wakhe abehamba naye.
Amaphoyisa abe esedlulisela lolu lwazi konogada, nebala waboshwa umsolwa obefunwa uthuli enkabeni yedolobha laseVerulam ntambama ngoLwesine.
Ngesikhathi kuxoxwa ekhoneni lika-Todd & Ireland Street, umsolwa unqabile ukuyalela onogada izibhamu.
Onogada bazitholele izibhamu ngemuva kwekhabethe nangaphansi kombhede emzini oseMhlasini.
Uphenyo luveze ukuthi abasolwa yibo abagebenga bephindelela ngenhloso yokukhukisa iqembu kuqhutshekwe nobugebengu njengoba kutholwe inqwaba yezibhamu.
Bobabili abasolwa basaboshiwe njengamanje.
