Inkombankombane ngoDr Khoza ‘ongundlovukayiphikiswa’
USihlalo weqembu elidlala kuMotsepe Foundation Championship i-Upington City uDavid Magashoa usehlube indlubu ekhasini ngokushiwo umphathi weBlack Leopards uDavid Thidiela.
UThidiela ushiye angalazi ngosihlalo wePSL uDr Khoza okuthiwa ungindlovukayphikiswa.
UMagashoa obekade ephethe iSwallows ngokubambisana noPanyaza Lusufi muva nje ungenelela nje kulolu daba lokugxekwa kwalesi sikhulu emsakazweni iRadio 2000.
UThidiela obezwakala intukuthelo emsakazweni ubedinwe ukuthi ekuqaleni kwe season iqembu lakhe belivalwe yiFIFA ukusayina abadlali.
Lokhu lulandela ukuthi kunezimali abengakazikhokhi emva kokuthenga iSatus seqembu i-ALL Stars FC.
Kuzokhumbuleka ukuthi iBlack Leopards idliwe yozembe kuMotsepe Foundation Championship kwaphoqelela ukuthi yehlele ngezansi yabe isithenga iStatus se-All Stars FC.
UMagashoa uyilunga labaphathi abangu 32 bamaqembu uthi uKhoza uyindoda eyenza umsebenzi omuhle futhi oncomekayo neyenze ukuthi iPSL ibe kuleli zinga ekulo njengamanje
“Iqiniso lithi uKhoza wenza umsebenzi oncomekayo. Ngikhumbula ngenkathi kuhamba uGlad Africa njengabaxhasi baka NFD sasingazi sizokwenza njani”
“UDr Khoza wathatha ucingo wafonela uDr Pactice Matsepe ngqo wamcela ukuthi ucela esixhase, yonke into yaqedwa ocingweni. Angazi ngisho oyedwa kwi Board of Governors onamandla anjeya owayengenza leyonto”
“Ngaleso sikhathi uDr Khoza wahlenga iqhwaba yabantu abanezolahlekelwa yimsebenzi, kuningi nje” kuchaza uMgashoa.
Enkundleni
