Ikhishwe ngoshova emahhovisi inhloko yamaHawks eKZN

Sihle Mkhize 

Inhloko yama Hawks KwaZulu-Natal uMajor General Lesetja Senona ithi izizwa ingaphephile ngemuva kokukhishwa ngoshova ehhovisini ephelezelwa amaphoyisa.

USenona uthi umkhuzi wamaphoyisa KwaZulu-Natal uLieutenant, General Nhlanhla Mkhwanazi, uthumele amaphoyisa azomphuca iLaptop neselula.

Nomakunjalo, uthi ubengakahlinzekwa ngencwadi yokumiswa emsebenzini.

Kwenzeka lokhu nje sekuqubuke imibuzo ekhombisa ukungenani kwamanye amalunga emiphakathi ngesenzo sikaMengameli uCyril Ramaphosa.

URamaphosa ujube ibamba likaNgqongqoshe, wamaPhoyisa uFiroz Cachalia, ukuba asungule iSpecial Task Team.

Leli thimba kuthiwa lizophenya ngezinto ezivela kwiMadlanga Commission.

Lizobika kuKhomishana wamaPhoyisa kuzwelonke uFannie Masemola.

URamaphosa wamukele izincomo zombiko wokuqala weKhomishana kaMadlanga awuthola NgoDecember.

“Uphenyo lwani engabe kuboshwa abantu benganikwa nebheyili kuze kuphothulwe icala labo,” Sboniso Biyela.

“Kuyophenywa kuze kubuye uJesu akuboshwa ngani abantu ibuphi obunye ubufakazi enibufunayo,” kubuza uMasuku.

“Bazohlulwa yini ukuziphendulela enkantolo uma bemsulwa i-ANC udoti weqembu leli,” kubhoka uMzwandile Mkhize.

Iningi lamaphoyisa elizophenywa izinqe livela kuMasipala waseKurhuleni.

AMAPHOYISA:

1.Major General Lesetja Senona

2. Major General Richard Shibiri

3. Brigadier Mbangwa Nkhwashu

4. Brigadier Rachel Matjeng

5. Sergeant Fannie Nkosi

ABASEBENZA EKURHULENI:

6. Suspended EMPD Chief Julius Mkhwanazi

7. EMPD Officer Bafana Twala

8. EMPD Officer Aiden McKenzie

9. EMPD Officer Kershia Leigh Stols

10. Former City Manager Dr Imogen Mashazi

11. Fleet manager/proxy Mr Chris Steyn

12. Head of Department of Human Resources Ms Linda Gxasheka

13. EMM Head of Legal Adv Kemi Behari

14. Mr Etienne van der Walt