Babulawele ukunqaba ukuholwa owesilisa ‘obebaphakela’
Liyah Mseleku
Useboshiwe owesilisa oneminyaka engu-38 ubudala mayelana necala lokubula izihlobo zamantombazane u Tshiamo noBaleseng Moramaga.
La mantombazane adutshulwe abulawa umsolwa eMamelodi East, Tshwane, ngeSonto ekuseni.
Abagilwa baphakathi kweinyaka engu-22 no-21, batholwe benamaxaba okudutshulwa emakhanda kuSompisi Street, Extension 17.
Ngokusho kwabasendaweni yokucima ukoma eMamelodi, kubikwa ukuthi la bagilwa baphuze utshwala obubiza u-R10K nabanye base benqaba ukuhamba nomsolwa kuyiwe endlini.
Bathi le ndoda ebithukuthele igane unwabu ibalandelile abagilwa sebegoduka yabadubula.
Ngokusho komakhelwane, bezwe impi yamazwi iqhuma phezulu kwase kwase kuqhuma isibhamu kabili.
Uma beyohlola bafica amantombazane amabili elele edamini legazi efe ujuqu.
Okhulumela amaphoyisa aseGoli uCaptain Tintswalo Sibeko usiqinisekisile lesi sigameko wathi umsolwa uboshiwe ngoMsombuluko mhla ka-27 October 2025, egaraji likapetrol ePretoria.
Inhlanganisela yabaseshi baseGauteng Provincial Serious and Violence Crime Unit, Provincial Crime Intelligence neMamelodi East Detectives bamthungathe emuva kokuthola ukuthi umgilwa wesithathu usinde ngokulambisa kumanje usesibhedlela.
Umsolwa ubhekene namacala amabili okubulala nelilodwa lokuzama ukubulala.
Kulindeleke ukuthi avele enkantolo iMamelodi Magistrate’s Court ngoLwesithathu mhla ka-29 October 2025.
La mantombazane agcina ukubonakala ngoMgqibelo ebusuku efaniselene ngeziketi ezimhlophe nokumhlophe kwesingenhla.
Babevakashele umndeni base bephuma kusihlwa baya etarven esendaweni ngaphambi kokuthi babulawe.
Umalumekazi wabo uMaggie Moramaga, uthi umndeni usathukile namanje. “Bebengiphelezela nje izolo. Angikaze ngicabange ukuthi bengigcina ukubabaona,” usho kanje.
I-Aubrey Tau Foundation isikhiphe umehlokaboni ongango R250, 000 konolwazi lokusuka nokuhlala nokungenza kugcine kugwetshwe umsolwa.
