
Uzobhadla ejele uthisha ozaliswe umfanyana (13)
Sane Mseleku
Uzogwetshwa ngomhla ka-8 January ngonyaka ozayo uLaura Caron (36), obenguthisha ngecala lokuzibandakanya ngokocansi nomfundi oneminyaka engu-11.
Ngokombiko wephephandaba laseMelika, i-Atlanta Black Star, owayenguthisha wase New Jersey, eMiddle Township Elementary School, ubhekene necala lokunukubeza ngokocansi.
Wayefundisa ibanga lesihlanu, ngaphambi kokuthi abaphenyi bathole ukuthi wanukubeza umfundi ngonyaka ka-2016 kuya ku-2020.
UCaron wateta indodakazi yalo mfanyana ngonyaka ka-2019 ena-13 ngalowo nyaka.
Izinsolo zaqubuka ngonyaka-2024 ngoDecember ngesikhathi ubaba wesisulu ebhala kwizinkundla zokuxhumana ebabaza ukufana kwendodakazi kaCaron naye nendodana yakhe ngaleso sikhathi yayisineminyaka emihlanu ingane.
Ilapho abomthetho baqala khona benza uphenyo olwafinyelela ekuboshweni kwaCaron ngoJanuary-2025.
Waboshelwa amacala okunukubeza ngokocansi kanye nokufaka impilo yengane engcupheni.
UCaron ulivumile icala sokufaka impilo yengane engcupheni nokunukubeza ngokocansi.
Ubhekene nesigwebo seminyaka engu-5 ebhadla ejele.
Angeke asaphinde asebenze njengothisha noma asebenze kwahulumeni, uzobhaliswa ebhukwini labanukubezi ngokocansi ngaphansi komthetho kaMegan.
Uzophila ngokugadwa impilo yakhe yonke.
Ngaphambi kokuba agwetshwe UCaron uzohlolwa ngokwengqondo okungaphazamisa isigwebo sakhe.



